Урыстәылатәи амҩангаҩ Аԥсни Урыстәылеи мшынла ианеимадахо арыцхә иҳәеит

16:44, 13 Мшаԥы 2022

Атуристтә ԥхараныҟәаӷба (атеплоход - азгә.) "Грифон" Шәачантәи Аҟәаҟа иныҟәалоит 2022 шықәса лаҵара 1 инаркны жьҭаара 1 аҟынӡа.

Sputnik

АҞӘА, мшаԥы 13 – Sputnik. Лаҵара 1 инаркны Шәачеи Аԥсни рыбжьара амшынтә еимадара аусура иалагоит ҳәа аанацҳауеит ВодоходЪ экспресс VK аҿы.
Шәачеи Аҟәеи еиманадоит атуристтә ԥхараныҟәаӷба "Грифон".

"Грифон" 120-ҩык апассаџьырцәа акуеит, бжьаратәла 24 ӷбаццакыра амоуп. Агәаҭаратә реис мҩаԥган 2021 шықәса жьҭаарамзазы. Амаршрут аамҭа 3 сааҭки 15 минуҭи ыҟоуп.

Аԥышәаратә реис: атуристтә аԥхараныҟәаӷба "Грифон" Аҟәатәи абаӷәазахь иҭалеит

11 Жьҭаара 2021, 11:30

Аҟәатәи абаӷәазаҿы атуристцәа аҳәаахьчаратәии аҳазатәии гәаҭара иахысуеит.

Даҽа ӷбак, "Комета" захьӡу, Новороссиск – Шәача – Гьеленџьик иныҟәалоит.

"Афлот абзоурала аԥсабара аԥшӡара убла хнакуа аамҭа кьаҿк иалагӡаны иуҭаху аҭыԥ аҿы унеир ҟалоит", - рҳәеит аилахәыраҿы.

Атуристцәа ирабжьгоуп абилеҭқәа аофициалтә саит аҿы иаархәаларц. Абилеҭқәа иара убасгьы ирҭиуеит Аҟәеи Шәачеи рымшынтә баӷәазақәа ркассақәа рҿы.