АҞӘА, мшаԥы 14 - Sputnik. Акультура-гәыҳалалратә фонд "Ашана" жәашықәса зхыҵуа Николь Аргәынԥҳа лзы аԥареизгара иалагеит. Аӡӷаб асимптоматикатә епилепсиа, ахбаҩлашатә дабласра, армарахьтә гемипарез лымоуп.
2018 шықәсазы лара москватәи ахәышәтәырҭаҿы атерапиа ҷыда дахысит. Уи ашьҭахь лҭагылазаашьа еиӷьхеит. Уи аахыс Николь аҽыхәышәтәра акурсқәа ԥшьба дырхысит. Аха 2021 шықәсазы алаԥсра адагьы лныҟәашәа аҽеиҭанакит, ларӷьанап амч кәадахеит.
Дызхәышәтәуа аҳақьым иажәақәа рыла, Москва Аҭҵаарадырра-практикатә центр аҿы лҽыхәышәтәра иацлымҵар, лхьаа еиҭалызцәырҵуеит. Уи азы Николь аҽазныкгьы лхы ҭылҵаароуп. Уи азы еизгатәуп 250 000 мааҭ.
Николь афбатәи акласс аҿы дтәоуп. Зегь реиҳа бзиа илбоит абаҩрҵәыреи, аматематикеи, ашәаҳәареи, асахьаҭыхреи. Лара аҩызцәа рацәаҩны илымоуп, аурокқәа рышьҭахь еицыхәмаруеит. Николь илҭахуп лгәы бзиаханы амаланыҟәа ақәтәашьа лҵарц.
Ахәыҷы лыцхраашьақәа ртәы еилышәкаар ҟалоит афонд "Ашана" аофициалтә саит аҟны.