АҞӘА, мшаԥы 22 - Sputnik. Урыстәылатәи абренд Bosco Амҳаџьыраа рыԥшаҳәаҿтәи "Брехаловка" иҟоу аӷбадгыларҭа еиҭашьақәнаргылоит ҳәа Аҟәа ахада Беслан Ешба арадио Sputnik иазеиҭеиҳәеит.
Ешба иажәақәа рыла, адизаин-проект аԥсуа ган иазнархиахьеит. Аобиект ахаҿра ҿыц уаанӡатәи иеиԥшхоит.
"Иҟалоит абульвартә зона, атәарҭақәа, ауаа рынеиааирҭа", - иҳәеит Ешба.
Апроекттә усурақәа хыркәшоуп, аусурақәа ирылагоит адунеи аҿы иҟоу аҭагылазаашьа аҭышәынтәалара иахьырԥшны.
Ешба ишиҳәо ала, аремонт иалагар рылшоит шықәсыбжак аҩнуҵҟа.