АҞӘА, лаҵара 11 - Sputnik. Лаҵара 25 рҟынӡа Белгородтәи аобласт иахьаҵанакуа атеррористтә шәарҭара "аҩеижь" ҩаӡара рылаҳәоуп ҳәа аҳәамҭа ҟаиҵеит Белгородтәи аобласт агубернатор Виачеслав Гладков Telegram-канал аҿы.
"Лаҵара 25 рҟынӡа Белгородтәи аобласт иахьаҵанакуа атеррористтә шәарҭара "аҩеижь" ҩаӡара ыҟазаауеит. Абри азы иахәҭоу адокумент анапы аҵаҩуп", - ҳәа иҩуеит агубернатор.
Белгородтәии егьырҭ Украина иаԥну аобластқәеи рҿы мшаԥы 11 раахыс УАМ рпровокациақәа ирхырҟьаны атеррористтә шәарҭара аҩаӡара ҳарак азгәаҭоуп. Убас, Украина аган аҟынтәи изныкымкәа аҳәаа иаԥну ақыҭақәа ирылахысхьеит. Мшаԥы 1 азы иҟаз авиажәылара иахҟьаны анефҭбаза аҿы амцакра ҟалеит.