АҞӘА, лаҵара 12 - Sputnik. Аԥсны ахада Аслан Бжьаниа ихаҭыԥуаҩ Бадра Гәынба зхадараҿы дыҟоу аусутә гәыԥ анапы ианиҵеит аԥсуа-аурыс ҳәаа ахысра армариара азҵаарақәа аус адыруларц ҳәа аанацҳауеит ахада исаит.
Ахаша Бжьаниа аилацәажәара мҩаԥигеит аҳәынҭқарратә ҳәаа ахысра армариаразы ауснагӡатәқәа аус рыдуыларазы. Сынтәатәи аԥхынразы Аԥсны аԥсшьаҩцәа хыԥхьаӡара рацәала ирзыԥшуп.
"Сынтәатәи акурорттә сезон 2021 шықәсатәи акыр иаԥнагоит. Абри инадҳәаланы аҳәаа ахысра излалшо ала ирмариатәуп, аиҳаракгьы АҬ "Адлер" аҿы", - иҳәеит ахада аилацәажәараҿы.
Аҳәаа ахысра армариара азҵаара Бжьаниа Москва иҟазаараан изныкымкәа иалацәажәеит.
Урыстәылатәи аган иазԥхьагәанаҭоит АҬ "Адлер" алшара ырҭбаауа ареконструкциа азура. Аргылара-мрнтаж усурақәа рхыркәшара азгәаҭоуп 2025 шықәсазы.