АҞӘА, лаҵара 25 - Sputnik. Урыстәыла ахада Владимир Путин Херсонтәии Запорожиетәии аобластқәа руааԥсыра атәылауаҩра рыҭара армариаразы аусԥҟа инапы аҵеиҩит. Абри атәы аанацҳауеит азинтә информациа аофициалтә портал.
Ариашарақәа аларгалеит "Агуманитартә хықәкқәа рзы Урыстәылатәи афедерациа атәылауаҩрахь ирмарианы адкылараз ахаҿқәа ркатегориа аҳәаақәҵараз" (20.04. 2019г. № 183).
Ари Аусԥҟа апункт 1 аҟни апункт 2 апунктеиҵа "б" аҩбатәи абзац аҿи иарбоу "Донецктәи Жәлар Рреспублика ма Лугансктәи Жәлар Рреспублика аҵакыраҿ" иацҵазарц ажәақәа "Украина Запорожиатәи аобласт ма Украина Херсонтәи аобласт".
Аусԥҟа инақәыршәаны арҭ аҵакырақәа рҿы инхо ахаҿқәа рырзаҳалқәа хымз иреиҳамкәа ирыхәаԥштәуп. Адокументқәа рганахьала иназыцҵоу аҭҵаарақәа рыҿҳәара иацҵахоит, аха хымз еиҳамкәа.