Херсонтәи аобласт Урыстәыла алаларазы азыҳәа анашьҭра аҿҳәара азгәанаҭеит

© Sputnik / Константин Михальчевский / Афотобанк ахь аиасраСитуация на границе Крыма с Украиной
Ситуация на границе Крыма с Украиной - Sputnik Аҧсны, 1920, 12.05.2022
Анапаҵаҩра
Yandex newsTelegram
Аоперациа ҷыда амҩаԥгараан урыстәылатәи аруаа Херсонтәи аобласт ахылаԥшра мҩаԥыргоит. Аобласт аҿы иаԥҵоуп арра-тәылауаҩратә хадара. Уи аҳәамҭала аобласт Украина аилазаарахь хынҳәышьа амам.
АҞӘА, лаҵара 12 - Sputnik. Херсонтәи аобласт ахадара Урыстәыла ахада иахь аҳәара ҟарҵеит аинтеграциатә процессқәа рышьҭахь Урыстәылатәи Афедерациа ралархәразы. Абри атәы аанацҳауеит РИА Новости арегион ахада ихаҭыԥуаҩ Кирилл Стремоусов иажәақәа шьаҭас иҟаҵаны.

Стремоусов иажәақәа рыла аобласт ахадара рҿаԥхьа аус дуқәа шьҭоуп – аекономика аиҭашьақәыргылара, анапхгаратәии азинхьчаратәии системақәа рырҿыцра ирыдҳәалоу, аус адыруылоит аобласт ауааԥсыра урыстәылатәи атәылауаҩра аиура амеханизмқәа русура, урыстәылатәи азакәанԥҵара астандартқәа рахь аиасра.

"Азыҳәа анашьҭра аҿҳәарақәа макьаназ иазгәаҭам, аха аамҭа хара игахом. Аинтеграциатә процессқәа ҳашрылгалак аобаст Урыстәылатәи Афедерациа иахәҭакны аҟалара ҳазыхиахоит, Урыстәыла ахада иахьгьы азыҳәа наҳашьҭуеит", - ҳәа иҳәеит Стремоусов.
Инженерные войска восстанавливают инфраструктуру в Херсонской области - Sputnik Аҧсны, 1920, 11.05.2022
Урыстәыла Донбасс имҩаԥнаго арратә операциа ҷыда
Херсонтәи аобласт Урыстәыла алалара агәҭакуп
Уаанӡа Херсонтәи аобласт ахадара ирҳәахьан арегион аҵакыраҿы ареспублика шаԥҵамхо, Урыстәыла ахада иахь Афедерациа алаларазы аҳәара аҟаҵара ргәы ишҭоу.
Херсонтәи аобласт аҿы аус руеит урыстәылатәи ателеканалқәа, арадио, Ҟрыми аобласти рыбжьара акоммуникациақәа еиҭашьақәдыргылоит. Лаҵарамзаахыс урыстәылатәи амааҭ ахь ииасит, ирыгәҭакуп урыстәылатәи азакәанԥҵарахь аиасра.
Ажәабжьқәа зегьы
0