АҞӘА, лаҵара 30 - Sputnik. Агәабзиарахьчараз адунеизегьтәи аиҿкаара (ВОЗ) амаамынқәа рцәырԥшӡа алаҵәара бжьаратәны ахә ршьеит, аха убри аан аҭагылазаашьа еицәахар шалшогьы азгәарҭеит. Абри атәы аанацҳауеит РИА Новости.
Лаҵара 26 азтәи адыррақәа рыла, ААЕ 257 лабораториала ишьақәырӷәӷәоу ахҭысқәа ртәы рдыруеит, даҽа 120 лабораториа рзы иароуп ҳәа агәызҩара рымоуп.
"Иахьазы ауаажәларратә гәабзиарахьчараз ашәарҭара бжьаратәуп, Африка Мраҭашәаратәи агәҭатәи атәылақәеи ирыдҳәаламкәа иаарԥшуп", - ҳәа аҳәоит аиҿкаара адырраҭараҿы.
Уа иарбоуп аҿкчымазара еиҳарак изыхьуа ахаҵа-аԥҳәыс ҳәа еицынхо ахацәа шракәу. Уи адагьы ауаҩы иҟынтәи ауаҩ иахь аҿкра аиасра азгәаҭоуп. Авирус акырмчыбжь иузгәамҭакәа аӡәы иҟынтә аҽаӡә иахь ииасуазар ауиет.
ААЕ ишазгәанаҭо ала, амаамынқәа рцәырԥшӡа ауаажәларратә гәабзиарахьчараз ашәарҭара аҵалоит "авирус ауаҩы изы апотоген ҳасабла ишьақәтәар, ахәыҷқәа ма зиммунитет лаҟәу ауаа рахь ииасуа иалагар".
Аиҿкаара аҳәамҭала ауааԥсыра реиҳарак амаамынқәа рцәырԥшӡа рыхьыр алшоит 40 шықәса раԥхьа ацәырԥшӡазы алаҵа аҟаҵара иахьаҟәыҵыз азы.