АҞӘА, лаҵара 30- Sputnik. Урыстәылатәи авиациа уахык ала Украина 320-ҩык аибашьцәеи 47 ак абџьармаҭәеи ҭадырхеит, абри азы ашәахьаҽны имҩаԥгаз абрифинг аҟны адырра ҟаиҵеит Атәылахьчара аминистрра ахаҭарнак, аинрал-маиор Игор Конашенков.
Аракетатә ар уахык ала иҭадырхеит УАМ абатальионқәа акомандаҟаҵаратә-ԥшыхәратә ҭыԥқәа ҩба, аимадаратә ҭыԥқәа, иара убас УАМ рыри ртехникеи ргыларҭақәа", - иҳәеит аинрал.
Урыстәылатәи аоператив-тактикатәи, арратәи, аԥырҩы дызҭам авиациеи иҭадырхеит анапхгараҭаратә ҭыԥқәа хԥа, иара убас УАМ рыри ртехникеи ргыларҭақәа 67 раион, ҳәа азгәеиҭеит иара.
"Иааидкыланы авиациа уахык ала 320-ҩык аибашьцәеи УАМ иатәу 47 ак абџьармаҭәеи ҭадырхеит", - иҳәеит Конашенков.
Аҳауахьчаратә системақәа икарыжьит аԥырҩы дызҭам жәохә-хархәагак, иааныркылеит "Смерч" жә-реактивтә хеиҵаҵа.
Аракетатә ари артиллериеи иҭадырхеит анапхгараҭаратә ҭыԥқәа 62, ари атехникеи ргыларҭа ҭыԥқәа 593, артиллериатәи аминаршәгатәи аҟәшақәа 55.
Иҭархоуп РСЗО БМ-21 "Град" абатареиақәа ԥшьба, 46 ак украинатәи арратә техника, иара убас Донецктәи Жәлар рреспублика Навомихаиловка араион аҟны иҟаз аџьаԥҳанышьҭаҵарҭа.