Николь дани инаркны ауадаҩрақәа лызцәырҵит.
"Лчымазара шьақәырӷәӷәан дани ашьҭахь. Деиӷранакуан. Анализқәа рышьҭахь муковисцидоз лымоуп ҳәа ишьақәдырӷәӷәеит. Агенетика шьҭралатәи ачымазарақәа зегь раасҭа аларҵәара амоуп. Апрепаратқәа зегь рҟынтәи акы ацҵатәуп акы агырхатәуп, избанзар есыжьыжь есыхәылбаҽха аимҳәа лызцәырҵоит. Уи азымхакәан илҿылхуеит. Шьыжьи хәылбыҽхеи аингалиациа ҟаҳҵоит, шьыбжьон афизиотерапиа, урҭ рыдагьы лара илыдылкылоит авитаминқәа, ахәшәқәа. Арҭ апрепаратқәа рыхә цәгьоуп, аахәара ҳамч ақәхаӡом, мызкы акы азы 350 нызқь мааҭ артәоит. 25 нызқь мааҭ (егьырҭ ахәшәқәа). Аамҭаказы ацхыраара ҳарҭон Аԥсны аекономика аҟынтәи, ахәшә ҳарҭон шықәсы бжак, уи ашьҭахь ахәшә ҳзааргеит Израильнтәи. Иахьатәи аамҭазы иҳауӡом", - ҳәа лҳәоит ахәыҷы лан Хатуна Ҵулукьиа.
Николь Џьинџьолиа израильтәи ацентр аҟны илзыԥшуп. Уи азы еизгатәуп 222 нызқь мааҭ. Афонд "Ашана" аԥареизгара хацдыркит.