АҞӘА, рашәара 8 - Sputnik. Урыстәылатәи авиациа аракетақәа рыла УАМ атехника аремонт ахьыҟарҵоз Харьковтәи акәылӡтәы танк зауад иеихсит, абри атәы иҳәеит Атәылахьчара аминистрра ахаҭарнак ҷыда, аинрал-маиор Игор Конашенков.
"Аракетақәа рыла Харьковтәи акәылӡтәы танк зауад иеихсит, уаҟа ауасҭарҭақәа рҟны УАМ иатәу аибашьыгатә техникеи акәылӡтәы машьынақәеи аремонт рзуны еиҭашьақәдыргылон", - иҳәеит иара.
Уи адагьы, иҭархан анапхгараҭаратә ҭыԥқәа ҩба, иршьаҟьеит аруааи арратә техника аргыларҭақәеи рраионқәа 13, иара убас Харьков араион аҟны иҭархан ареактивтә система ахымҵаҭырҟьа "Ураган".
Иара убас Харьковтәи аобласт Малиновка араионқәа, ДЖәР иҟоу Спорное, Звановка - ЛЖәР абџьари аџьыԥҳанышьҭаҵарҭақәеи ԥшьба, Харьковтәи аобласт анхарҭа ҭыԥ Чугуев аҟны иқәган УАМ атехника азы абылтәы аҵәахырҭа.
Украинатәи ацәгьоуратә гәыԥеиҿкаарақәа Донбасс ааха ӷәӷәа роуит, Свиатогорск ахақәиҭтәраан иҭахеит 300-ҩык аруаа ҳәа азгәарҭеит Атәылахьчара аминистрраҟны.