АҞӘА, рашәара 18 – Sputnik. Аԥсны Аҩнуҵҟатәи аусқәа рминистрра (ААР)аусзуҩцәа Гагра ирыԥшааит закәаншьаҭада аус зуаз амаининг-ферма, абри атәы аанацҳауеит аусбарҭа асаит.
Аусҭҵааҩцәа аннеи аамҭазы амаининг-хархәагақәа 16 цыра аус руан ишьақәыргылаз 27 рҟынтәи. Иааизакны 15 кВт афымцамч ахархәара аман.
Акриптоферма лхатәуп Раиса Алиева. Лара лганахь ала административтә ԥкаанҵа шьақәыргылоуп изакәанымкәан афымцацәаҳәа иаҿакны маининг азы афымцамч ахьнылхуаз азы.
Аԥсны акриптовалиутақәа рмаининг азы хәажәыра 31, 2022 шықәсанӡа азин ыҟам афымцаҳақәа ахьажәуи афымцамч ахьазымхои иахҟьаны.