АҞӘА, рашәара 29 - Sputnik. Урыстәыла аекономикатә ҿиара аминистр ихаҭыԥуаҩ Дмитри Вольвачи аԥыза-министр ихаҭыԥуаҩ, Аекономика аминистр Кристина Озгани Аинвестпрограмма ахарџьқәа рыла еиҭашьақәдыргыло аобиектқәа ирҭааит ҳәа азгәаҭоуп асоциалтә ҳақәа рҿы Кристина Озган лдаҟьаҿ.
Аделегациа Гәылрыԥшь араион Кациқыҭ зыргылара иаҿу агәамсамеизакырҭа, астанциа маҷ "Алаҳаӡы", Владислав Арӡынба ихьӡ зху Аҟәатәи аҳаиртә баӷәаза иаҭааны ирбеит.
Анаҩс аделегациа Аҟәаҟа ихынҳәит. Уа еиԥылеит Дмитри Вольвачи Аслан Бжьаниеи.
Гәылрыԥшь араион Кациқыҭ зыргылара иаҿу агәамсамеизакырҭа, 2020-2022 шықәсқәа рызтәи апрограмма ахарџьқәа рыла аргылара мҩаԥысуеит.
2022 шықәса мшаԥымзазы Аԥсны асоциал-економикатә ҿиаразы Аинвестпрограмма 2023-2025 шықәсқәа рызтәи аԥаразоужьратә зыԥҵәа шьақәдыргылеит 4,05 миллиард мааҭ рҟынӡа.
Арахь иаҵанакуеит абиуџьет аусзуҩцәа руалафахәы, абизнес маҷ акредитзоужьра апрограмма арҿиара, ақыҭанхамҩа арҿиара уҳәа убас егьырҭгьы.
Аинвестпрограмма ҿыц иалагалоуп ареспубликатә хәыҷтәы хәшәтәырҭа аргылара, Гәдоуҭа аӡыцрыҵқәа ррыцқьаратә хархәагақәа рыргылара, Гагра аӡцарҭақәа рышьҭаҵара, Ԥсоу-Аҟәа амҩаду лашарала аиқәыршәара, астанциа маҷқәа аремонт рзура.