АҞӘА, ԥхынгәы 1 - Sputnik. Украина Шьамтәылеи иареи рдипломатиатә еизыҟазаашьақәа аԥнахуеит Дамаск Донецктәии Лугансктәии ареспубликақәа ахьазханаҵаз инамаданы ҳәа азгәаҭоуп Украина адәныҟатәи аусқәа рминистрраҟны.
Убри аан аконсултә еизыҟазаашьақәа шыҟац иҟоуп.
Аусбарҭаҿы ирҳәеит Шьамтәыла аӡбамҭа Украина аҵакыра азышәарыцара, аҩызаратә ҟазшьа змам шьаҿаны ишахәаԥшуа.
"Ари аҩыза ашьаҿа аҭакс Украина аҳәамҭа ҟанаҵоит Шьамтәылеи иареи адипломатиатә еизыҟазаашьақәа шрыбжьнахуа, 1963 шықәсазтәи аконсултә еизыҟазаашьақәа рзы Венатәи Аконвенциа ахәҭаҷ 2 инақәыршәаны аконсултә еизыҟазаашьақәа шыҟоу иааныжьны", - ҳәа аҳәоит адокумент аҿы.
Уаанӡа Дамаск Донецктәии Лугансктәии ареспубликақәа разхаҵаразы аҳәамҭа ҟанаҵеит.
Аԥсны Донбасстәи ареспубликақәа рхьыԥшымра азханаҵеит Урыстәыла инашьҭарххны.