АҞӘА, ԥхынгәы 1 – Sputnik. УАМ ишьақәгылаз аҭагылазаашьа иахырҟьаны аруаа рыбжьара ибнало рацәаҩхеит ҳәа аанацҳауеит Урыстәыла атәылахьчара аминистрра.
Аӷа ир Лисичанск иахьаҵанакуа ацәыӡ дуқәа рымоуп ҳәа иҳәоит аусбарҭа ахаҭарнак Игор Конашенков. Аиланхарҭа Верхнекаменка аҿы украинатәи ар уахык ала ирцәыӡит 120-ҩык, Верхнекаменск аҿы – 70-ҩык.
"УАМ зҭагылоу ауадаҩрақәа рымшала аибашьра адәаҿы амца иаҿагылар зҭахым рхыԥхьаӡара иацлоит. Иазгәаҭоуп ар еиҿкаарада, еихьыжәжәа-еиԥыжәжәа Лисичанск шаанрыжьуа", - иҳәеит Конашенков.
Иара иажәақәа рыла, 17-тәи атанктә бригада абаталионқәа руак аҿы иаанхаз 20% роуп. Киев ишалшо ала, арҭ рҩызцәа ахҭысқәа аҵәахуеит, изқәырҵаашьагьы рыԥшаауеит.
Ашьаус хацыркуп 57-тәи амотошьаҟатә бригада 42-тәи абаталион акомандаҟаҵареи аибашьцәеи рганахьала. Дара "Горски котел" аҿы еибашьуан. Аруаа аанкылоуп.
Аоперациа ҷыда иалагазар, иҭархоуп: 226 ҳаирплан, 134 вертолиот, 1411 аԥырҩы дызҭам аппаратқәа, 353 зенит-ракетатә комплекс, 3873 танки кәылӡтәы техникеи, 699 реактивтә система амашьынақәа, 3067 ак артиллериа, 3948 ак автомобилтә техника.