АҞӘА, ԥхынгәы 7 - Sputnik. Шьамтәыла ақәшаҳаҭхеит ДЖәР аҿы арратә цәгьоуцәа ирыдҟаҵало атрибунал алахәхара.
Абри атәы аарыцҳауеит АИХқәа, Донецктәи Жәлар Рреспублика адәныҟаполитикатә усбарҭа ахада Наталиа Никонорова лажәақәа ҵаҵӷәыс иганы.
Лара ишылҳәо ала ДЖәР абри азы заанаҵтәи ақәшаҳаҭра аиуит Шьамтәыла ахада Башар Асад иҟынтәи.
Уаанӡа атрибунал ишалахәхо азы аҳәамҭа ҟарҵахьан Урыстәылеи ЛЖәРи.