ДЖәР ахада "Пятнашка" аибашьцәа "Агәымшәараз" амедалқәа ранеишьеит
13:17 19.04.2022 (ирҿыцуп: 23:11 19.04.2022)
© Foto / предоставил Ахра Авидзба Глава ДНР вручил бойцам "Пятнашки" медали "За отвагу"
© Foto / предоставил Ахра Авидзба
Анапаҵаҩра
Аԥснынтәи хатәгәаԥхарала еибашьуа аинтербригада "Пятнашка" иаланы Урыстәыла Украина имҩаԥнаго аоперациа ҷыда иалахәуп.
АҞӘА, мшаԥы 19 – Sputnik, Асмаҭ Ҵәыџьԥҳа. Донецктәи Жәлар Рреспублика ахада Денис Пушилин аинтербригада "Пятнашка" аибашьцәа Канамаҭ Мамрешеви, Владимир Харабуеи, Раули Харабуеи, Аслан Гуатижеви "Агәымшәараз" амедалқәа ранеишьеит, абри атәы Sputnik иазеиҭеиҳәеит абригада акомандаҟаҵаҩ Ахрик Аҩӡба.
© Foto / предоставил Ахра Авидзба Глава ДНР вручил бойцам "Пятнашки" медали "За отвагу"
Глава ДНР вручил бойцам "Пятнашки" медали "За отвагу"
© Foto / предоставил Ахра Авидзба
"Пятнашка" аибашьцәа аҳамҭақәа ранашьан Авдеевка амҵан аибашьраан аӷа итехника ахьҭадырхаз азы.
"Ф-сааҭк ицоз аибашьраҿ ахархәара рыман артиллериа, атанкқәа, аха дара иаадырԥшит атехника ахыԥхьаӡара шакәым агәышьҭыхра аазырԥшуа. Дара ирылшеит ргәымшәарала хәҩык аруаа рыҭҟәара, х-километрак иахьаҵанакуа ацәаҳәа аԥжәара. Арӷәӷәарҭа аанкылара", - иҳәеит Аҩӡба.
Аинтербригада "Пятнашка" иалахәуп Аԥсны, Нхыҵ Кавказ, егьырҭ Асовет еидгыла уаанӡатәи ареспубликақәа рҟынтәи хатәгәаԥхарала аибашьцәа.