АҞӘА, ԥхынгәы 11 – Sputnik. Урыстәыла аҳаир мчрақәа "Калибр" аракетақәа рыла еилаԥыххаауп Днепропетровск аобласт аҟны иҟаз америкатәи аҭырҟьагақәа "HIMARS" аҵәахырҭақәа, агаубицақәа М777, ахаланыҟәатә бзарбзанқәа 2С7 "Пион", абри атәы аанацҳауеит Атәылахьчара аминистрра.
ДЖәР ишьаҟьоуп УАМ иатәу 118-тәи абригада аамҭала иахьгылаз аҭыԥ, иҭахеит 300-ҩык рҟынӡа амилаҭеилыхцәа.
Урыстәыла Аҳаир-космостә мчрақәа иқәырхит Харьков амилаҭеилыхцәеи аҳәаанырцәтәи аибашьцәеи рҭыԥ ықәырхит, иҭархоуп 250-ҩык аибашьцәа, 25 ак арратә техникеи.
Урыстәыла атәылахьчара аминистрра аофициалтә хаҭарнак Игорь Конашенков иажәақәа рыла, УАМ хырхарҭа рацәала ацәыӡ дуқәа аиуеит.
Урыстәыла АКМ уахыки ҽнаки рыла ДЖәР иқәырхит 58-тәи ашьаҟауаа ргәыԥ, анапхгараҭаратә ҭыԥқәеи, аруааи, арратә техникеи 10 раион рҿы, 200 тонн аҳәаанырцәантә иаагоу аракетатә шьақәгылақәеи аракетақәеи.
Аоператив-тактикатәи арратә авиациеи, аракетатә архәҭақәеи, артиллериеи иҭадырхеит:
УАМ анапхгараҭаратә пунктқәа 27,
украинатәи артиллериа 53 раион рҟны,
аруааи, арратә техникеи 156 раион рҿы.
Урыстәылатәи ажәыларатә ҳаирпланқәа Су-35С ДЖәР анхарҭатә ҭыԥ Богатырь аҟны икарыжьит украинатәи аҳаирплан Су-25.
Иара убас урыстәылатәи аҳауаҿагыларатә мчрақәа Харьковтәи аобласт аҟны икарыжьит зныкҟьара ихысуа аракетатә системақәа "Ураган" аснариадқәа 12.