АҞӘА, ԥхынгәы 18 - Sputnik. Урыстәылатәи ар икылкааны аракетақәа "Harpoon" рышьҭаҵарҭа иеихсит. Аракетақәа уаанӡа Украина иазаарышьҭхьан Аҩадатәи алианс аҟынтә. Абри атәы аанацҳауеит Атәылахьчара аминистрра.
"Аӷба иаҿагыло аракетақәа "Harpoon" Одесса ааглыхратә наплакык акорпусқәа руак аҿы еиҿкааз рышьҭаҵарҭа ԥыржәеит. Аракетақәа уаанӡа Украина иазаарышьҭхьан Аҩадатәи алианс аҟынтә", - аҳәоит адырраҭара.
Аусбарҭа адыррра ҟанаҵоит ДЖәР аҿы Америка иҭыжьу ареактивтә система "HIMARS" аҭырҟьага шьақәгыла ааха аҭан ҳәа. Уи адагьы УАМ 60-тәи амотошьаҟатә бригада 97-тәи абатальон ааха аҭоуп, иҭархоуп 65-ҩык амилаҭеилыхыҩцәа, 10 акк атехника ҷыда. Амеханизациатә 92-тәи абригада ажәлараан иҭархоуп 200-ҩык аруаа, жәабала акәылӡ техника.
Ԥхынгәы 16 - 17 рыҩнуҵҟа икылкааны иқәыцҟьаауп анапхгараҭаратә ҭыԥқәа ԥшьба, 19 раион рҿы украинатәи аибашьыга техника, аруаа, аҳәаанырцә қьырала аибашьцәагьы налаҵаны Харьковтәи аобласти Донецктәи Жәлар Рреспубликеи рҿы. 107 раион рҿы иҭархоуп зныкҟьара ихысуа аракетатә система авзвод, агаубицақәа "Гиацинт-Б", Д-30 рывзводқәа жәба, артиллериатә взвод.
Аоператив-тактикатә авиациеи аракетатә ари артиллериеи уахыки-ҽнаки рыла иҭадырхеит 221 напхгараҭаратә ҭыԥ, аибашьыга техникеи аруааи 189- раион рҿы. Уи адагьы, ДЖәР ажәҩан аҿы иҭархан украинатәи авертолиот Ми-17.
Аҳауаҿагыларатә хархәагақәа иҭадырхеит украинатәи аҳаирплан Су-25, аԥырҩы дызҭам ахархәага, аԥырра еиԥҟьоуп абаллистикатә ракета "Точка-У", ареактивтә системақәа "Ураган", "HIMARS ргәыцәқәа жәба".
Аусбарҭа адыррала, УАМ аилазаараҿы ирацәоуп забџьар кажьны ибнало. 10-тәи ашьха-жәыларатә бригада 108-тәи абаталион акомандаҟаҵаҩ инапаҵаҟа иҟаз 104-тәи хаз игоу абригада 58-тәи абаталион ишҳәыԥкыз рҭыԥ нрыжьит.