АҞӘА, ԥхынгәы 20 - Sputnik. Урыстәыла аҳаир-космостә мчрақәа Украина, Одессатәи аобласт аҿы аракетатә комплес "Гарпун" ааха арҭеит, абри атәы аанацҳауеит Урыстәыла атәылахьчара аминистрра.
Иара убасгьы ааха рыҭоуп: ДЖәР аҿы 14-тәи амеханизациатә бригада аракета-артиллериатә бџьар ашьҭаҵарҭеи амшыншьаҟауаа 35-тәи рбригада ргыларҭеи. Иҭархоуп 240-ҩык аруааи 30 ак аибашьыга кәылӡтехникеи.
Ԥхынгәы 19 - 20 рыҩныҵҟа ааха рыҭоуп 48-тәии 58-тәии амшыншьаҟауаа рыбригадақәа рреактивтә системақәа "Град" авзводқәа хәба, агаубицақәа Д-20 рартиллериатә взводқәа фба, Д-30 артиллериатә взводқәа жәба.
Аоператив-тактикатә авиациеи, аракетақәеи, артиллериеи рыла ааха рыҭоуп анапхгараҭаратә ҭыԥқәа быжьба, 63-тәи амеханизациа зызуу абригадеи 61-тәи ашьаҟауаа рыбригадеи, 128-тәи ашьха-жәыларатә бригадеи, 92-тәи амеханизациа зызуу абригадеи рыҟәшақәа, аракета-артиллериатә шьҭаҵарҭақәа ааба, абылтәышьҭаҵарҭа.
Икажьуп аҳаирпланқәа: МиГ-29, Су-25. ПВО ахархәагақәа иҭадырхеит аԥырҩы дызҭам ахархәагақәа ԥшьба, иааныркылеит РСЗО "Ураган" ахгәыцәқәа жәба Харьковтәии Херсонтәии аобластқәа рҿы.
Арратә операциа иалагазар ааха рыҭоуп: 400 ҳаирплани вертолиоти, 1572 аԥырҩы дызҭам аппарат, 356 зенит-ракетатә комплекс, 4135 танк, 760 реактив-систематә машьынақәа, 3166 артиллериеи минаршәгеи рыхгәыцәқәа, 4410 ак аибашьыга автомобилтә техника.