ГАГРА, ԥхынгәы 22 - Sputnik, Бадри Есиава. Гагра араион аҿы афымцалашаразы ахәқәа сынтәа еиҳа еиҳаны еизыргеит ҵыԥх абри аамҭа иаҿурԥшуазар, Аԥсны ахада Аслан Бжьаниа изеиҭеиҳәеит Гагра араион ахада Иури Хагәышь.
"Ари аҩыза алҵшәақәа ҳауит "Амшынеиқәафымцамч" Гагратәи афилиали ҳареи ҳусеицура иабзоураны. Зеиԥшла Гагра араион аҿы ахархәара змаз афымцамч азы еизыргаз аԥара иартәоит 36,4 % ҵыԥх абри аҩыза аамҭазы иҟаз 28,5% рҭыԥан. Ԥарала иуҳәозар, уи 41 миллион 263 нызқь мааҭ иҟоуп, ҵыԥх иҟаз 25 миллион 974 нызқь мааҭ рҭыԥан", - иҳәеит иара.
Хагәышь иажәақәа рыла, иахьатәи аамҭазы уахыки-ҽнаки рыла араион аҿы инырхуеит миллионки бжаки кВт•с.