АҞӘА, ԥхынгәы 29 - Sputnik. Урыстәыла Ашьаусҭҵааратә еилакы ашьаус хацнаркит ДЖәР аиланхарҭа Еленовка аҿы иҟаз "Азов" аибашьцәа назлаз украинатәи атҟәацәа ахьҭакыз ариашаратә колониа №120 ракетала аихсра аганахьала. Абри атәы аанацҳауеит АЕ асаит.
Ашьаус хацыркуп УА АЗ ахәҭаҷ 356 инақәыршәаны – бџьаршьҭыхлатәи аиҿагылараан ззин ыҟам аметодқәа рхархәара.
Уаанӡа Урыстәыла атәылахьчара аминистрра адырра ҟанаҵахьан акалониа аракетатә жәылара мҩаԥган америкатәи ареактивтә система "HIMARS" ала. 40-ҩык ҭахеит, 75-ҩык ахәрақәа роуит, уи адагьы еиуеиԥшым ахәрақәа роуит абахҭа аусзуҩцәа ааҩык.
Ареспублика ахада Денис Пушилин аҳәамҭа ҟаиҵеит, ажәылара зымҩаԥгаз "Азов" аибашьцәа рҿахәҿыхраа иаԥырхагахарц ауп.
Уажәы аусҭҵааҩцәа аҭыԥ агәаҭара мҩаԥыргоит, аҭагылазаашьа шьақәдыргылоит.