АҞӘА, нанҳәа 2 - Sputnik. Урыстәыла Иреиҳаӡоу аӡбарҭа украинатәи амилаҭеилыхыҩцәа рбаталион "Азов" атеррористтә еиҿкаароуп ҳәа азханаҵеит. Абри атәы аанацҳауеит РИА Новости.
"Абаталион "Азов" атеррористә еиҿкаароуп ҳәа иԥхьаӡаны Урыстәыла аусуразы азин ԥкызааит", - аҳәоит аӡбамҭа.
Аӡбарҭа аилатәара аиҳарак АИХ-қәа рхаҭарнакцәа рыда имҩаԥысуан, избанзар, уаҟа ицәыргаз аматериалқәа "маӡан".
Аха ажурналистцәа аусдырыҩцәа рҿахәхыхра иалахәын. Абаталион алахәылацәа хараны ирыдырҵоит арратә цәгьоура, анхарҭатә ҩнқәа реихсра, Украина инхо аурысцәа рыршәара.
Аӡбарҭа аӡбамҭа анаднакылалак ашьҭахь дара атеррористтә еиҿкаара иалахәылоуп ҳәа ахара рыдҵахар алшоит. Аха убри аан азакәан ишарбо ала, ашьаусԥшаара иалагаанӡа хатәгәаԥхарала абаталион иалҵыз ахьархәра рықәҵахом.