АҞӘА, нанҳәа 12 - Sputnik. Гәдоуҭатәи араионтә хәшәтәырҭаҿы акоронавирус змаз ҩыџьа рыԥсҭазаара иалҵит ҳәа аанацҳауеит Аԥсны агәабзиарахьчара аминистрра.
Нанҳәа 11-12 рзы Гәдоуҭатәи ахәшәтәырҭаҿы рыԥсҭазаара иалҵит 87 шықәсеи, 37 шықәсеи зхыҵуаз ҩыџьа ахацәа.
Хәымш рыла, нанҳәа 8 инаркны 12-нӡа Аԥсны иаадырԥшит 365 коронавирус хҭыс ҿыц.
Гәдоуҭатәи ахәшәтәырҭаҿы ишьҭоуп 16-ҩык акоронавирус зцәа иалоу ачымазцәа.
Апандемиа аамҭазы Аԥсны иаадырԥшхьеит 54 565 коронавирус хҭыс. Рыԥсҭазаара иалҵит 693-ҩык.