АҞӘА, нанҳәа 29– Sputnik. Аԥсны иҟоу Урыстәыла Ацҳаражәҳәарҭа Аконсултә ҟәша нанҳәа 29 инаркны 10 шықәса ҳәа ҿҳәарас измоу абиометриатә тәылауаҩшәҟәқәа раиуразы арзаҳалқәа рыдкылара аамҭала иааннакылеит.
Уи аан, ишрырҭац ирырҭалоит хәышықәса ҿҳәарас измоу атәылауаҩшәҟәқәа.
Уим аԥхьа адырра ҟаҵан, нанҳәа 26 инаркны Урыстәыла адәныҟатәи аусқәа рминистрра адепартамент аелектронтә ныҟәгага аиҭаформатыркра ахьымҩаԥгатәу иахҟьаны аамҭала иааннакылеит 10 шықәса ҳәа ҿҳәарас измоу атәылауаҩшәҟә ҿыцқәа раиуразы арзаҳалқәа рыдкылара.