АҞӘА, цәыббра 2 - Sputnik. Атомтә енергиазы Жәларбжьаратәи амаҵзура адиректор хада Рафаель Гросси зхадараҿы дыҟоу аделегациа Запорожтәи аобласт аҵакыра аанрыжьит, абри атәы аанацҳауеит РИА Новости.
АЕЖәА амиссиа Запарожиатәи аобласт ахь инеиит аԥшьаша. Аусбарҭа адиректор хада Рафаель Гросси зхадараҿы дыҟоу аделегациа алахәылацәа иддырбеит украинатәи ар рхысра астанциа ианаҭаз ааха.
Енергодар ахада Александр Волга ишиҳәо ала амиссиа алахәылацәа 8-12-ҩык АЕС аҿы иаанхеит, егьырҭ Енергодар аанрыжьит асааҭ 20:00 ҟалаанӡа.
Гросси иҳәеит аделегациа аинформациа рацәа шеизыргаз, ирбарц ирҭахыз – шырбаз.
Урыстәыла цәыббра 6 азы ЕАР Ашәарҭадаратә хеилак аилатәара ҟаларц аҳәара ҟанаҵеит астанциа алахысра иахьаҟәымҵуа азы. Аилатәараҿы Гроссии ЗАЕС аҭагылазаашьазы иажәахә иазыӡырыҩрраны иҟоуп.