АҞӘА, цәыббра 6 - Sputnik. Урыстәыла АКМ иҭадырхеит Запорожтәи аобласт аҿы амеханизациа зызуу 65-тәи абригада аруаа шәҩык рҟынӡа, абри атәы аанацҳауеит Атәылахьчара аминистрра.
"Запорожтәи аобласт аҿтәи аиланхарҭа Веселианка иахьаҵанакуаз Урыстәыла АКМ иҭадырхеит амеханизациа зызуу 65-тәи абригада аруаа шәҩык рҟынӡа, 15 ак аибашьыга техника", - аҳәоит аминистрра адырраҭараҿы.
Аусбарҭаҿы иара убасгьы ирҳәеит Киев уахыки-ҽнаки рыҩнуҵҟа 15-ынтә ақалақь Енергодари Запорожтәи АЕСи ишриехсыз. Днепропетровсктәи аобласт аиланхарҭа Марганец аҟынтә иҭырҟьан ахгәыцәқәа 20. Урҭ рҟынтәи хԥа АЕС иақәкын.
"Киевтәи арежим Запорожтәи атомтә електростанциа иаехсуеит атехногентә рыцҳара аҭагылазаашьа аԥнаҵарц. Киев уахыки-ҽнаки рыҩнуҵҟа 15-ынтә ақалақь Енергодари Запорожтәи АЕСи ириехсит", - аҳәоит аусбарҭа адырраҭара.
Зынӡа иҭырҟьан ахгәыцәқәа 20. Урҭ рҟынтәи хԥа АЕС иақәкын.