АҞӘА, жьҭаара - Sputnik. XIV Аԥсны абжьаратә школқәа рҵаҩцәа рзы арра-спорттә хәмаррақәа "Аиааира" ахысырҭа Баӷмаран аҿы имҩаԥысуеит ҳәа аанацҳауеит "Абаза-ТВ".
"Аԥсны ақалақьқәеи араионқәеи зегь рҟынтәи еизгоу акомандақәа алахәуп. Ауснагӡатә ҩ-етапкны имҩаԥысуеит. Актәи аетап аан араионқәа рҿы алкааратә еицлабрақәа мҩаԥыргоит, еизгоу акомандақәа еиҿыркаауеит", - иҳәеит аицлабра аӡбаҩ хада, Аԥсны абаҩырҵәыреи аспорти зҽаԥсазтәыз русзуҩ Аслан Ҭаркьыл.
10-11 аклассқәа рҵаҩцәа аҩра, аишьҭагыланыҟәара, автоматқәа реимыхреи реибыҭареи, ахысра уҳәа рзы еиндаҭлоит.
Аицлабра иалахәуп Аԥсны араионқәеи Аҟәа ақалақьи ркомандақәа. Зынӡа аа-командак.
Аиҿкааҩцәа – Аԥсны Аҵара аминистрра, Атәылахьчара аминистрра. Ауснагӡатә хыркәшахоит абҵара 4 азы.