АҞӘА, абҵара 1 - Sputnik. Урыстәыла адәныҟатәи аусқәа рминистр Сергеи Лавров аҳәамҭа ҟаиҵеит Урыстәыла аекономика аҿиара, аҩнуҵҟаполитикатә ҭагылазаашьа аҵшәаара аӡәгьы илшом ҳәа. Абри атәы иҳәеит аминистр аҳәаанырцә инхо аџьынџьуаа Урыстәылазегьтәи ртематикатә конференциаҿы, аанацҳауеит РИА Новости.
"Агәра ганы иуҳәар ҟалоит, Урыстәыла аекономика аҿиара, аҩнуҵҟаполитикатә ҭагылазаашьа аҵшәаара аӡәгьы илшом ҳәа. Ҳтәыла илнахыз амҩа ианыланы ицоит иҟоу ауадаҩрақәа ирыхьмырԥшыкәа", - азгәаҭоуп аҳәамҭаҿ.
Аминистр иҳәеит Урыстәыла адунеижәларбжьаратә аренаҿы зыгәра агаша аҩызцәа шамоу, қәҿиарала ишымҩаԥысуа Урыстәылеи ИАР атәылақәеи, Африкеи, Азиеи, Мрагылара Ааигәеи, Латинтәи Америкеи ртәылақәа реимабзиара. Убри аан Урыстәыла Европеи Аҩадатәи Америкеи мап рыцәнакуам.
"Аус зыдуло, акраамҭа ишьақәгылаз аимадарақәа мап рыцәкра ҳара ҳакәӡам иалызхыз", - иҳәеит аминистр.