АҞӘА, ажьырныҳәа 10 - Sputnik. Урыстәыла Атәылахьчара аминистрра ахыдҵа хада - хаҭабзиара ҳаракыла Арбџьармчқәа рырҿыцра ауп ҳәа иҳәеит Шоигу Урыстәыла Арбџьармчқәа реилазаара рнапхгаҩцәа алархәны имҩаԥгаз аилатәараҟны.
Аминистр иара убасгьы иазгәеиҭеит, аусбарҭа иаарласны арратә комиссариатқәа русура арҿыцра, адыррақәа рбаза ацифрахь аиагара, аҭыԥантәии арегионтә еиҳабыреи русеицура аиҿкаара агәы ишҭоу.
Атәылахьчара аминистрра гәҭакыс иамоуп 2023 шықәсазы урыстәылатәи ар ҳаамҭазтәи абџьарла аиқәыршәара.
Аамҭакьаҿла урыстәылатәи аррамаҵзурауаа зыҩаӡара ҳараку бџьарлеи бџьармаҭәалеи еиқәыршәатәуп ҳәа иҳәеит Шоигу.
"Ихадоуп аамҭа кьаҿк иалагӡаны зыҩаӡара ҳараку бџьарлеи бџьармаҭәалеи аррамаҵзурауаа реиқәыршәара. Аибашьҩы иқәнагоу зегьы, иахьатәи аамҭа иақәшәо, иманшәаланы уақәгәыӷратә иҟазароуп", - ҳәа иҳәеит аминистр аиԥылараҿы.
2023 шықәсазы арратә комиссариатқәа русура рҿыцтәуп.
Урыстәыла астратегиатә аиадертә мчқәа еизнарҳауеит, уи асуверенитет азы ихадоу хәдықәҵоуп.