АҞӘА, ажьырныҳәа 16 - Sputnik. Урыстәылатәи аруаа ДЖәР Красныи Лиман ирыцҟьеит УАМ арратә техника аҵәахырҭа ҳәа аанацҳауеит Урыстәыла Атәылахьчара аминистрра.
Урыстәыла аоператив-тактикатә авиациеи, аракетатә архәҭақәеи, артиллериеи Запорожтәи аобласт аҿы иқәырхит Украина амилаҭтә гвардиазы иҷыдоу ахықәкы змоу 9-тәи архәҭа иатәу арратә техника зыҩнагылаз ахыбра, иара убас УАМ артиллериатә ҟәшақәа 79, 101 раион рҿы аруааи аибашьыгатә техникеи.
Аконтрбатареиатә жәылара иабзоураны уахыки-ҽнаки рылаиқәхын аибашьыгатә машьына "Град", агаубица 2А36 "Гиацинт-Б", агаубица Д-30, агаубица 2А65 "Мста-Б", зхала иныҟәо агаубица 2С3 "Акациа", зхала иныҟәо агаубица 2С1, аконтрбатареиатә жәыларазы ихәарҭоу арадиолокациатә станциақәа AN/ТPQ-37, AN/ТPQ-50.
Урыстәыла аҳауаҽацәыхьчаратә хархәагақәа уахыки-ҽнаки рыла икарыжьит аԥырҩы дызҭам украинатәи аҳаирпланқәа хԥа, HIMARS-и Урагани иртәу ареактивтә снариадқәа быжьба.
Аусбарҭа иара убас иаанацҳауеит Купиантәи ахырхарҭаҟны арратә авиациеи артиллериеи уахыки-ҽнаки рыла ишықәырхыз 92-тәи амеханизациа зызуу абригадеи аҵакыратә хьчара 103-тәи абригадеи, иҭархоуп украинатәи аруаа 30-ҩык, акәылӡымашьынақәа ҩба, автомашьынақәа хԥа.
Красно-Лимансктәи ахырхарҭала ааха рыҭоуп украинатәи 95-тәи адесанттә-жәыларатә бригадеи аҵакыратә хьчара 125-тәи абригадеи рыруаа, иҭархоуп 75-ҩык инареиҳаны украинатәи аруааи, х-танкк, хә-кәалӡымашьынак, пикапк.
Донецктәи ахырхарҭаҿы иҭархоуп украинатәи аруаа 50-ҩык инареиҳаны, акәылӡытранспортиор, автомашьынақәа ааба, Алада-Донецктәи ахырхарҭаҿы ааха рыҭоуп УАМ 65-тәи амотошьаҟатә бригадеи аҵакыратә хьчара 108-тәи абригадеи. Иҭархоуп украинатәи аруаа 30-ҩык рҟынӡа, аибашьыгатә кәалӡымашьынаи ҩ-пикапки.