АҞӘА, ажьырныҳәа 29 - Sputnik. Урыстәылатәи Арбџьармчқәа аладатәи архәҭа Донецктәи ахырхарҭаҟны уахыки-ҽнаки рыла Краматорсктәи аџьаԥҳанышьҭаҵарҭа ԥыржәеит, украинатәи аруаа 90-ҩык ҭадырхеит, 28 ак атехникеи, урҭ рхыԥхьаӡараҿы иҟоуп америкатәи ахгәыцәқәа M777, M109 Paladin иара убас ажәыларатә батареиа РЛС AN/TPQ-50, абри атәы аанацҳауеит Урыстәыла атәылахьчара аминистрра.
Иазгәаҭоуп, Донецктәи ахырхарҭаҟны Урыстәылатәи Арбџьармчқәа аладатәи архәҭа ржәыларақәа ирыбзоураны ирзыманшәалоу аҭыԥқәа ааныркалеит, Курахови Антоновке араионқәа рҟны аӷа ааха ӷәӷәа ирҭеит ҳәа. Купиансктәии Краснолимансктәии ахырхарҭақәа рҟны уахыки -ҽнаки рыла иҭархан 160-ҩык.
Урыстәылатәи Арбџьармчқәа ргәыԥ "Восток" алада-донецктәии запорожтәии ахырхарҭақәа рҟны уахыки-ҽнаки рыла Угледар араион аҟны абџьари аџьаԥҳанышьҭаҵарҭақәа ҩба ԥыржәеит, украинатәи аруаа шәҩык ҭархоуп, 10 ак атехника шьаҟьоуп.