АҞӘА, жәабран 4 - Sputnik. Киев анапаҵаҟа иҟоу Украина аҵакыраҟынтәи ирхынҳәуп 63-ҩык урыстәылатәи аруаа, абри атәы аанацҳауеит Урыстәыла атәылахьчара аминистрра.
"Иуадаҩыз аиҿцәажәаратә процесс иалҵшәаны Киев анапаҵаҟа иҟоу Украина аҵакыраҟынтәи ирхынҳәуп 63-ҩык Урыстәылатәи Афедерациа Арбжџьармчқәа рыруаа", - ҳәа аанацҳауеит адырраҭара.
Аусбарҭа ишаҳәо ала, идырхынҳәыз рыбжьара иҟоуп "иҷыдоу анырра змоу" акатегориа иаҵанакуа аруаа, урҭ рырхынҳәра алыршахеит Еиду Арабтәи Аемиратқәа рнапхгара рыбжьаҟазара иабзоураны.
Аруаа зегьы маншәаланы Урыстәыла аҵакырахь ихынҳәит, дара иахәҭоу амедицинатәи апсихологиатәи цхыраара рырҭоит.