АҞӘА, жәабран 7 - Sputnik. Аԥсны ахада Аслан Бжьаниа инапынҵала закәаншьаҭада акриптовалиута арҳара аԥырҟәҟәаразы Ареспубликатә штаб аԥҵоуп ҳәа аанацҳауеит ахада исаит.
Аштаб хадара аиҭоит аԥыза-министр Александр Анқәаб.
Аштаб алахәылацәа:
Џьансыхә Нанба – Атәыла ахада Иусбарҭа анапхгаҩы,
Ҭемыр Ахьиба – Аԥсны АШәМ ахантәаҩы актәи ихаҭыԥуаҩ,
Зураб Ашәба – Аҳазалхратә еилакы ахантәаҩы ихаҭыԥуаҩ,
Рамин Зингишьвили – "Амшынеиқәафымцамч" аиҳабы и.н.,
Кристина Озган – аԥыза-министр ихаҭыԥуаҩ, аекономика аминистр,
Нарсоу Сангәлиа –Астандартқәеи, ахархәаратәии атехникатәии хылаԥшраз Аҳәынҭеилакы ахантәаҩы,
Беслан Чкадуа – Аҩнуҵҟатәи аусқәа рминистр ихаҭыԥуаҩ.
Кристина Озган – аԥыза-министр ихаҭыԥуаҩ, аекономика аминистр лажәахә ала ареспубликаҿ афымцамч ахархәара 10 миллионов кВт⋅с ыҟоуп. Урыстәылантәи иаауа афымцамч аӡыни ааԥыни рымацара акәым ҭагалан-аӡын аамҭазгьы иазымхар ҟалоит. Ари мзызны иамоу акриптовалиута арҳаразы афымцамч аныхроуп.