АҞӘА, жәабран 16 – Sputnik. Урыстәыла аҳауаҽацәыхьчаратә хархәагақәа украинатәи авертолиот Ми-8 карыжьит Харьковтәи аобласт аҿы ҳәа аанацҳауеит аусбарҭа.
Иара убасгьы уахыки-ҽнаки рыла икажьуп украинатәи адронқәа 20, аицҭырҟьаратә система HIMARS ареактив хгәыцәқәа ԥшьба.
Авиациеи, аракетатә ари, артиллериеи ааха рырҭеит: УАМ 36-тәи амшыншьаҟауаа рыбригада акомандаҟаҵаратә ҭыԥ, 72-тәи амеханизациа зызуу абригада, 102-тәи аҵакыратә бригада, 92 артиллериатә ҟәшеиҵа, абылтәышьҭаҵарҭақәа, аибашьыга техника.
Купиансктәи ахырхарҭаҿы иҭархоуп 65-ҩык украинатәи аибашьцәа, акәылӡы машьынақәа ҩба, автомашьынақәа хәба, аицҭырҟьаратә ракетатә системақәа "Град".
Красно-Лимантәи ахырхарҭаҿы иҭархоуп: 100-ҩык украинатәи аибашьцәа, акәылӡы машьынақәа хԥа, апикапқәа ԥшьба, аицҭырҟьаратә ракетатә системақәа БМ-21 "Град", ҩ-гаубицак Д-20, ахаланыҟәа гаубица "Гвоздика".
Донецктәи ахырхарҭаҿы иҭархоуп: 135-ҩык украинатәи аибашьцәа, аицҭырҟьаратә система HIMARS аҭырҟьага шьақәгылақәа ҩба, х-танкк, акҽылӡмашьынақәа хԥа, автомашьынақәа ааба, агаубицақәа Д-20, Д-30, агаубица "Гвоздика", арадиолокациатә станциа AN/TPQ-50, 54-тәи амеханизациа зызуу абригада аџьаԥҳанышьҭаҵарҭа.
Алада-Донецктәии Запорожиатәии ахырхарҭақәа рҿы иҭархоуп 55 еибашьҩы, ҩ-автомашьынак, агаубицақәа Д-20, Д-30; Херсонтәи ахырхарҭаҿы иҭархоуп агаубица "Акациа", агаубица "Мста-Б", 123-тәии 126-тәии аҵакырахьчаратә бригадақәа рџьаԥҳанышьҭаҵарҭақәа ԥшьба.