АҞӘА, жәабран 26 – Sputnik. Аԥсны ашәарҭадаратә маҵзура аусуҩцәа Гәымсҭатәи амҩаду аҟны амашьынаҟазарҭа аҵакыраҿы акриптоферма рыԥшааит, абри атәы аанацҳауеит "Аԥсныпресс" амаҵзура.
Ахыбраҟны иԥшаан 171 амаининг хархәагақәа.
Аԥсны ахада Аслан Бжьаниа инапынҵала жәабран 6 рзы иаԥҵан закәаншьаҭада акриптовалиута арҳара аԥырҟәҟәаразы Ареспубликатә штаб.
Аштаб анаԥҵаз инаркны жәабран 23-нӡа ареспублика аҩнуҵаҟа 1050 маининг хархәагақәа ԥшааны ирылгоуп.