Аинформациатә маҵзуреи арадио Sputnik Аԥсни ишәыднагалоит есымчыбжьатәи афиша ареспубликаҿ иазгәаҭоу атеатртә қәгыларақәеи афилармониатәи аестрадатәи аконцертқәа, ацәыргақәҵақәа.
Сариа Кәарцхьиаԥҳа, Sputnik
Акультуратә мчыбжьы аатуеит Оҭар Хәынцариа ихьӡ зху Жәлар ринструментқәа роркестр аконцерт ала. Иара мҩаԥгахоит Аԥснытәи аҳәынҭқарратә филармониаҟны, хәажәкыра 22 асааҭ 18:00 рзы.
Хәажәкыра 22 асааҭ 18:30 рзы Аԥснытәи аҳәынҭқарратә аҿар ртеатр аҿы идырбахоит аспектакль “Амра анҭашәа ашьҭахь”. Арежиссиор-ақәыргылаҩ Есма Џьниаԥҳа. Аиҩазыра, аиӷара, абзиабаратә трагедиа ртәы еиҭазҳәо ари аҭоурых х-сааҭк ицоит, амузыкатә номерқәа хәба рҟынӡа алоуп, ирацәоуп акәашарақәеи апародиақәеи.
Хәажәкыра 25 -26 асааҭ 17:00 рзы Аԥсуа драматә театр асцена маҷ аҿы идырбахоит аспектакль "Брементәи амузыкантцәа” - ақәыргылаҩ Гәдиса Ҭодуа.
Хәажәкыра 26 асааҭ 19:00 рзы аспектакль "Ахаҵа ԥшӡа”. Ақәыргылаҩ- арежиссиор Ирина Дремова, иазкуп аурыс драматург Александр Островски диижьҭеи 200 шықәса аҵра.