АҞӘА, хәажәкыра 25 – Sputnik. Акультура-арккаратә проекти ацәыргақәҵа "Аԥсуа ҿықәи" аатит Машков ихьӡ зху Волгоградтәи аҿыханҵатә ҟазара амузеи аҟны, абри атәы еиҭалҳәеит апроект автор Альбина Иаруллина.
""Аԥсуа ҿықә"- бзиа избаз, соузмышьҭуа Аҟәа иадыргоуп. Абри ақалақь ала иалагеит сара абри атәылахь исоуз азҿлымҳара. Зеиԥш ыҟам тәылоуп, иссируп ауаа. Аԥсуа жәлар рҭоурых ҵаулоуп, иҭбаауп, ибеиоуп. Зкультура ӡырызго аԥсуа ҟазацәа рҭоурых иазхьаԥшырц сҭахәуп", - лҳәеит Иаруллина.
Апроект автор лажәақәа рыла, ацәыргақәҵа аиҿкаара ауадаҩрақәа ацын.
Ацәыргақәҵаҟны иаарԥшуп Баҭал Џьапуа, Диана Воуба, Адгур Амԥар, Апшьа Ҳагба, Диана Хынҭәба, Алан Воуба, Наала Аҩӡба, Сабина Кәарҷелиа, Саида Кәыҵниа, Арсоу Берзениа, Сандро Жеткар, Николь Барцыц русумҭақәа.
Ацәыргақәҵа аартызаауеит мшаԥы 24 рҟынӡа. Уажәаԥхьа иара мҩаԥган Шәача, Ростов-на Дону. Апроект хықәкыс иамоуп Аԥсны акультуратә ҭынха аӡыргара.