АҞӘА, мшаԥы 7– Sputnik. Лыхнашҭа ацәгьа зуз ҳәа макьаназ аӡәгьы иганахь ала гәызҩара ыҟам ҳәа ажурналистцәа иреиҳәеит Гәдоуҭа араион апрокурор Едуард Шамба.
"Уажәазы еизгоуп аоперативтә материал, ааигәа инхо ауааԥсыра зегьы иразҵаауп. Аԥсны ААР, Аԥсны АШәМ, апрокуратура аусурақәа еицымҩаԥыргоит. Аҭыԥаҿ агәаҭара мҩаԥгоуп, ашьаус ахацыркра иалацәажәоит", - иҳәеит иара.
Аԥсны аҭоурыхтә ҭыԥқәа иреиуоу Лыхнашҭа иқәгылаз аҭәаҵла идырым аҳәы ааха аиҭеит. Аҭәаҵла 15 - 20 сантиметра иагәылакны иԥҟоуп. Аҭыԥантәи ауааԥсыра аихеидкылақәа рыла аԥҟарсҭаҭыԥ дырххеит.