АҞӘА, мшаԥы 26 – Sputnik, Бадри Есиава. Гәдоуҭа ақалақь аҿы амашьына зысыз аԥҳәыс лыԥсҭазаара далҵит Гәдоуҭатәи ахәшәтәырҭаҟны. Абри атәы Sputnik акорреспондент изеиҭеиҳәеит амедусҳәарҭа аҳақьым хада Ҳаџьараҭ Шамба.
Иара иҳәеит, аԥҳәыс лҭагылазаашьа акыр ихьанҭаны ахәшәтәырҭахь дышнаргаз.
Аԥҳәыс амашьына лысит аҩаша, мшаԥы 25 руха асааҭ 21:00 рзеиԥш, асанаториа "Волга" азааигәара. Лара Гәдоуҭатәи араионтә хәшәтәырҭахь днаган.
Гәдоуҭа араион ААР аиҳабы Зосма Гыцба ишиҳәаз ала амашьына аԥсҟы зкыз Аҟәа, анаркологиатә диспансер ахь днашьҭын, агәаҭарақәа иаадырԥшит иара ижәны дшыҟамыз.
Гыцба иҳәеит ари ахаҵа иганахь ала ашьаус ахацыркра азҵаара шыӡбахо.
Иҟалаз шыҟалаза аҭагылазаашьақәа ҭырҵаауеит.