АҞӘА, лаҵара 17- Sputnik. Аԥсны Аҳәынҭавтоинспекциа амашьына арныҟәцараз азин аиуразы аԥышәара апрактикатә хәҭа адкылара хацнаркуеит ҳәа аанацҳауеит Аԥсны Аҩнуҵҟатәи аусқәа рминистрра апресс-маҵзура.
Аҳәынҭавтоинспекциа аусзуҩцәа аԥышәара рыдыркылоит аусуреи аԥсшьара мшқәеи рзы, аԥышәаратә хырхарҭа иахысуеит амҩа хадақәа рҟны.
Ари зыдҳәалоу аԥышәара зҭираны иҟоу рхыԥхьаӡара ахьырацәоу ауп.
Аминистрцәа реилазаара 2023 шықәса цәыббра 1 аҟынӡа автодром ҷыдаҿы аԥышәарақәа рыдкылара аҿҳәара инахеит.
Апрактикатә ԥышәарақәа мҩаԥгахоит ҩ-хәҭак рыла:
иҷыдоу арҵаратә автодром аҿы,
атранспорт ахьныҟәо аҭыԥ аҿы иԥышәоу амҩахырхарҭала.