АҞӘА, лаҵара 19 - Sputnik. Аҳақьымцәа разыҟаҵареи аԥснытәи ачымазцәа Актәи Москватәи амедицинатә университет аҟны рыхәшәтәрази азҵаарақәа ирылацәажәеит Аԥсны Агәабзиарахьчара аминистр Едуард Быҭәбеи, УАА академик Пиотр Глыбочкои.
Аиԥылара мҩаԥысит Москва.
Аганқәа алацәажәеит:
аԥснытәи амедикцәа Сеченовтәи ауниверситет аклиникақәа рҟны рԥышәеизырҳара ахысра,
арҵаратә программақәа рымҩаԥгара,
аԥсуа ҟазауаа аҭҵаарадырратә ҩаӡара роура.
Заанаҵтәи аӡбамҭақәа рыла аусеицура зырӷәӷәо ауснагӡатәқәа рымҩаԥгара азгәаҭоуп - аҵарадырратә форумқәа, аквалификациа ашьҭыхразы аҟазаратә классқәа.