АҞӘА, лаҵара 26 - Sputnik, Асмаҭ Ҵәыџьԥҳа. Аԥсны Жәлар реизара адепутатцәа лаҵара 30 рызтәи амитинг аламҭалаз атәылауаа рахь ааԥхьара апроект рыдыркылеит.
Адокумент аҿы адепутатцәа атәылаҿ иҟоу ауаажәларра-политикатә ҭагылазаашьа агәҭынчымра рызцәырнагоит.
Адепутатцәа атәылауаа рахь аҳәара ҟарҵоит агәҽанызаареи аҟәыӷареи аадырԥшырц, азакәан иқәныҟәаларц. Аполитикатә партиақәеи ауаажәларратә еиҿкаарақәеи ареспубликаҿ аҭагылазаашьа ашьақәҟьара алдмыршароуп, аҳәынҭқарратә мчрақәа ракәзаргьы атәылауаа рзинқәеи рхақәиҭрақәеи хьчо, Аконституциа иаҿагыло уск алыдмыршароуп.