АҞӘА, рашәара 5 – Sputnik. Аԥсны 42 352-ҩык атәанчаҩцәа аиҭашәҟәҭаҩра иахысит, азеиԥш рбагақәа рҟынтәи ари 86% инаӡоит, ашәҟәы реиҭаҭагалара иахысраны иҟоуп даҽа 6 809-ҩык атәанчаҩцәа.
Аиҭашәҟәҭаҩра иахысыз атәанчаҩцәа рхыԥхьаӡара араионқәа рыла
Ақалақь, араион | Зынӡа атәанчаҩцәа шаҟаҩы ыҟоу | Аиҭашәҟәҭаҩра иахысит |
Аҟәа | 11438 | 10381 |
Гагра араион | 7795 | 6721 |
Гәдоуҭа араион | 7864 | 6986 |
Аҟәа араион | 2564 | 2292 |
Гәылрыԥшь араион | 3426 | 3068 |
Очамчыра араион | 5392 | 4384 |
Тҟәарчал араион | 4304 | 3771 |
Гал араион | 6378 | 4746 |
Аԥсны асоциалтә еиқәыршәареи адемографиатә политикеи рминистрра атәанчахәқәеи ашәарақәеи русбарҭа аиҳабы Анжелика Ҷыҭанааԥҳа арадио Sputnik ишазеиҭалҳәаз ала, атәанчаҩцәа рышәҟәеиҭаҭаҩра мҩаԥган рхыԥхьаӡара аилкааразы, избанзар, иҟоуп ареспублика анҭыҵ ицо, иҟоуп зыԥсҭазаара иалҵыз, аха урҭ ианаамҭоу иазгәаҭам.
Ҷыҭанаа лажәақәа рыла, атәанчаҩцәа рышәҟәеиҭаҭаҩразы даҽа шықәсыбжак аҿҳәара рымоуп.
"Уаанӡа ашәҟәеиҭаҭаҩраз аҿҳәарақәа арбамзар, уажәы фымзтәи аҿҳәара шьақәыргылоуп. Атәанчаҩы ианаамҭо ашәҟәы иҽҭеимгалазар, аҽа фымз рыҩнуҵҟа, уи аус ириашар ҟалоит, убри аан арҭ афымз иаанкылаз итәанчахәы иоуеит. Фымзтәи аҿҳәара иахыԥаз атәанчаҩы азыҳәа аныҟаииҵа инаркны атәанчахәы иоулоит", - лҳәеит лара.
Атәанчаҩы хаҭала игәамбзиара иахҟьаны аусбарҭахь дзымнеиуазар, аминистрра аусзуҩцәа дахьынхо аҭыԥ ахь инеины ашәҟәеиҭаҭаҩра дахрыжьуеит ҳәа азгәалҭеит Анжелика Ҷыҭанааԥҳа.