АҞӘА, рашәара 7 - Sputnik, Бадраҟ Аҩӡба. Аԥснытәи аҳәынҭқарратә университет аҭоурыхтә факультет археологиатә експедициа мҩаԥнагеит Кәыџба иашҭаҿы ҳәа иҳәеит аҭоурыхтә факультет адекан Алик Габелиа ауниверситет амедиакоммуникациеи аинформациеи аҟәша аҟны имҩаԥгаз апресс-конференциаҿ.
"Ҳара археологиатә експедициақәа мҩаԥаагеит Кәыџба иашҭаҿ абаҟақәа рыҭҵааразы, хықәкыла адольменқәа. Аекспедициа амҩаԥгара афинасқәа ашәеит Риҵатәи аҳәырԥсарра. Акрааҵуеит Кәыҿба иашҭаҿ адольменқәа шыҟоу аадыруеижьҭеи, акы ҭырҵаахьеит, уажәазы аҩбатәи адольмен ҭаҳҵаауан", - иҳәеит иара.
Археологиатә жрақәа ирлыҵшәаны даара аинтерес зҵоу, здаҟам аматериал ҳамоуп иҳәеит аҵарауаҩ.
"Зегь раасҭа здаҟам ԥшаахны иҟоуп аскульптура. Макьана уи ақәра аҳәара ҳцәыуадаҩп. Археологиатә литератураҿы иуԥылоит убыс еиԥш иҟоу аҟаҵамҭақәа, дара ахьеилыху азы "Венера" ҳәа ирышьҭоуп. Аҳәара уадаҩуп излыху, еиҳарк изеиԥшу ахаҳәлых ауп, иара ԥшаан адольмен аҵан. Ари аԥхәыс лыскульптура ауп, арҭ рҩызцәа аҭҵаарадырраҟны ибзианы ирдыруеит, иара аҭоурыхҿиарадырраҿ акыр азҵаара цәырнагар алшоит", - ҳәа иҳәеит Габелиа.
Здаҟам аԥшаах: Кәыџба иашҭаҿ архиологцәа ирыԥшааз
© Foto / Отдел информации и медиакоммуникаций АГУ
Археологцәа уи адагьы ирбеит анышәаԥшьлых аԥҽыхақәа.
Археологиатә жрақәа рыҟны лассы-ласс аметалл уԥылоит, аха уажәтәи ажрақәа рыҟны иара ҳԥымлаӡеит", - иҳәеит Габелиа.
Габелиа иазгәеиҭеит, археологиатә експедициақәа рышьҭахь иԥшааз амаҭәарқәа шҭҵаатәу. Анаҩс, урҭ илԥшааху аԥҳәыс лыскульптурагь налаҵан Аԥснытәи аҳәынҭқарратә музеи иаҭахоит.
Кәыҿба иашҭаҿ имҩаԥгаз археологиатә експедициа иалахәын Аԥснытәи аҳәынҭқарратә университет аҵарауаа Алик Габелиа, Сурам Сақаниа, Гарик Сангәлиа.