АҞӘА, рашәара 19 - Sputnik. Аԥсуа сахьаҭыхыҩцәеи аскульпторцәеи русумҭақәа дырбахоит "Юг России XIII: живопись, скульптура" ацәыргақәҵа аҟны, абри атәы аанацҳауеит Аԥсны акультура аминистрра апресс-маҵзура.
Ацәыргақәҵа аҭааҩцәа алшара роуеит аԥсуа сахьаҭыхыҩцәа Витали Џьениа, Баҭал Џьопуа, Нугзар Логәуа, Амиран Адлеиба, Руслан Габлиа, Лаша Габелиа, Адгәыр Амԥар, Витали Қацәба, Аԥшьа Ҳагԥҳа, Мариа Делԥҳа, Диана Хынҭәԥҳа, Руслан Чхамалиа, Екатерина Гускова русумҭақәа рбара.
Ацәыргақәҵахь идәықәҵоуп асахьаҭыхыҩцәа аҵыхәтәантәи ҳәышықәса рыҩнуҵаҟа иаԥырҵаз 45 сахьеи хә-скульптураки.