Ахархәаҩцәа ироуеит алшара иреиӷьу аусумҭа алырхырц, ажиури жәларбжьаратәи ркоманда аӡбарала асиа кьаҿ иалалаз рҟынтә. Абжьыҭаразы асоциалтә ҳақәа руак аҿы апрофиль умазароуп.
Абжьыҭара илшоит дарбанызаалак, нанҳәа 1 аҟынӡа. Нанҳәа алагамҭанӡа ирыларҳәоит онлаин-бжьыҭараҿ аиааира згаз ихьӡгьы, иара ихәҭоу адиплом иҭахоит.
Андреи Стенин ихьӡ зху Жәларбжьаратәи аицлабра афотоеилазаара афотожурналистикаҟны ахьӡ ҿыцқәа ахьаадырԥшуа, астандартқәа ахьдырҿио, иахьышьақәдыргыло ҭыԥуп. Жәларбжьаратәи аинформациатә маҵзура "Россия сегодня" еиҿнакааит. Есышықәса уи иалахәхо атәылақәа рхыԥхьаӡа иацлоит.
Сынтәа 50 тәыла рҟынтәи иаарышьҭит х-нызқь рҟынӡа афотосахьақәа. Урҭ рыбжьара иҟоуп Бурунди, Бахреин, Босниеи Герцеговинеи. Жәларбжьаратәи аинформациатә партниорны иҟоуп: аинформациатә маҵзуреи арадиои Sputnik, RT ателеканали апортали , амедиахолдинг Independent Media (ЮАР), ажәабжьтә маҵзура ANA (ЮАР), Shanghai United Media Group (SUMG) (Китай), агазеҭ China Daily (Китаи) аинтернет-портал, аинтернет-портал The Paper (Китаи), амедиаҳа Al Mayadeen (Ливан).