АҞӘА, ԥхынгәы 5 - Sputnik. Уахыки-ҽнаки рыҩнуҵҟа урыстәылатәи Аҳауаҽацәыхьчаратә мчқәа аԥырҩы дызҭам ахархәагақәа 14, аицҭырҟьаратә система HIMARS ареактив хгәыцәқәа хәба карыжьит ҳәа аанацҳауеит Урыстәыла Атәылахьчара аимнистрра.
Иара убасгьы икажьуп украинатәи ҳаирпланқәа ҩба – Су-25 (ДЖәР, Георгиевка; Запорожиатәи аобласт, Орехов). Аҽа ҳаирпланки авертолиот Ми-8 карыжьит урыстәылатәи аԥырҩцәа. Аоператив-тактикатә авиациеи, аракетатә ари, артиллериеи ааха рырҭеит УАМ артиллериатә ҟәшақәа 85, 102 раион рҿы.
Аусбарҭа иаанацҳауеит Донецктәи ахырхарҭаҿы аӷа ижәыларақәа 10 шаԥырҟәҟәаау, ишицәыӡыз 290-ҩык асолдаҭцәа, ҩ-кәылӡмашьынак, автомашьынақәа 9, апикапқәа 2, артиллериатә шьақәгыла "Акация", агаубицақәа "Мста-Б", Д-30, артиллериатә шьақәгыла "Krab" 54-тәи амеханизациа зызуу абригада аџьаԥҳанышьҭаҵарҭа.
Красно-Лимантәи ахырхарҭаҿы ԥшь-жәыларак аԥырҟәҟәаауп. Уахыки-ҽнаки рыла иҭархоуп 135-ҩык украинатәи аибашьцәа, акәылӡмашьынақәа 2, апикапқәа 2, артиллериатә шьақәгыла "Гвоздика", ҩ-гаубицак Д-30, Д-20.
Алада-Донецктәи ахырхарҭаҿы УАМ ажәыларақәа ҩба аԥырҟәҟәаауп. Запорожиатәи ахырхарҭаҿы Киев иацәыӡит 200-ҩык аибашьцәа, танкк, аршьаҟауаа рмашьынақәа ԥшьба, акәылӡмашьынақәа ԥшьба, автомашьынақәа хԥа, ҩ-гаубицак "Мста-Б", УАМ амеханизациа зызуу 47-тәи абригада аџьаԥҳанышьҭаҵарҭа.
Купиансктәи ахырхарҭаҿы аӷа ицәыӡит 30-ҩык аибашьцәа, автомашьынақәа 3, артиллериатә шьақәгылақәа "Гиацинт-С", "Акация", агаубица Д-20, артиллериатә система М777.
Херсонтәи ахырхарҭаҿы иҭархоуп УАМ аибашьцәа 50-ҩык, х-автомашьынак, агаубица "Мста-Б", артиллериатә система М777 (ЕАА).