АҞӘА, ԥхынгәы 8 - Sputnik, Сариа Кәарцхьиаԥҳа. Аҟәа ақалақь ахадареи Москва Аиҳабыреи аусеицуразы аиқәшаҳаҭра рнапы аҵарҩит асабша, ԥхынгәы 8 рзы.
Аԥсны аҳҭнықалақь ахьӡала аиқәшаҳаҭра инапы аҵаиҩит Аҟәа ахада Беслан Ешба, Урыстәыла аҳҭнықалақь ахьӡала - Москва ақалақь адәныҟаекономикатәи жәларбжьаратәи аимадарақәеи рдепартамент аиҳабы Сергеи Чериомин.
Аиқәшаҳаҭра нап аҵаҩуп аҩқалақьк русеицура арҿиареи уи иқәынхо ауааԥсыра рыбжьара аиҩызареи аилибакаареи рырӷәӷәареи хықәкыс иҟаҵаны. Уи инақәыршәаны амҩа-транспорттә инфраструктура, ақалақьргылара, аинформациатә технологиақәа, аҵараиура, акультура, агәабзиарахьчара русхкқәа рҟны аусеицура мҩаԥыслоит.
"Иахьа ҳара ҳнапы аҵааҩит алшара ҿыцқәа ҳзаазыртуа аиқәшаҳаҭра. Уи асоциалтә хырхарҭа амоуп - аспорт, акультура, аҵараиура, аҿартә политика, ақалақьргылареи анхамҩеигьы уахь иалаҵаны. Иахьабалак ацхыраара ҳарҭалоит. Ҳара уи аҭакԥхықәра ду ҳаднаҵоит, аус ҳаулоит ари зегьы ҳаԥсахарц азы", - иҳәеит Ешба.
"Иахьа ҳара ҳнапы аҵаҳҩит алшара ҿыцқәа ҳзаазыртуа аиқәшаҳаҭра. Уи асоциалтә хырхарҭа амоуп - аспорт, акультура, аҵараиура, аҿартә политика, ақалақьргылареи анхамҩагьы уахь иалаҵаны. Иахьабалак ацхыраара ҳарҭалоит. Ҳара уи аҭакԥхықәра ду ҳаднаҵоит, аус ҳаулоит ари зегьы ҳаԥсахарц азы", - иҳәеит Ешба.
Иара убас иара иҳәеит аусутә гәыԥқәа ҩба шаԥҵахо - атранспорттә инфраструктуреи ишәарҭам амҩатә ныҟәареи рзи архитектуреи ақалақьргылареи рзи.
Чериомин иакәзар, инаҵишьит иахьа Москва ақалақьргылареи асоциалтә усхки рҿы аԥхьагылара змоу ақалақь шакәу, уи иамоу аԥышәа Аҟәа иаманадарц ишыхиоу.
"Ҳара ҳзы акраҵанакуеит ҳҩызцәа ҳԥышәеи ҳдыррақәеи рымадара ахьҳалшо. Ари аиқәшаҳаҭра анапаҵаҩра - ҭоурыхтә хҭысуп", - иҳәеит Чериомин.
Аҟәа амш есышықәса иазгәарҭоит ԥхынгәымза раԥхьатәи асабшазы, сынтәа уи ақәшәеит ԥхынгәы 8. Аҳҭнықалақь аԥшәмацәеи асасцәеи рзы еиҿкаахоит еиуеиԥшым агәырӷьаратә усмҩаԥгатәқәа - ацәыргақәҵақәа, аконцертқәа, ахыци ахәымпали рыла ахысра, аишәатә хәмаррақәа, иара убас асалиут.