АҞӘА, ԥхынгәы 10 - Sputnik. Атуризм аминистр Ҭеимураз Хышба абжьгара ҟаиҵеит аамҭала аплиажқәа аркызарц ҳәа аанацҳауеит аусбарҭа апресс-маҵзура.
Иара иазгәеиҭеит ари ареспублика ауааԥсыреи асасцәеи ршәарҭадара ишазырхо.
Хышба иҳәеит уажәазы аҭагылазаашьа шшәарҭам, аха ахылаԥшра шхымԥадатәиу.
"Иалшо зегь ҟаҵатәуп мышқәак ракәзаргьы ауаа амшын иҭамло аусқәа реиҿкаара", - ҳәа иҳәеит аминистр.
Ареспубликаҿы аҭыԥ змаз амшцәгьақәа рышьҭахь Аԥсны АҶА атәыла ауааԥсыреи асасцәеи ирабжьыргоит Гагра араион аҭаара рҽацәхьаркырц.
Адәыӷбақәа рныҟәара аамҭала иаанкылоуп аихамҩақәа ахьҵыӡәӡәаау азы.
Амҽыша, ԥхынгәы 9 рзы АҶА аусзуҩцәа Гагра, Гәдоуҭа, Гәылрыԥшь араионқәа рҿы аӡқәа ахьхыҵыз аҭыԥқәа рҟынтәи 30-ҩык рҟынӡа атуристцәа еиқәдырхеит.
Гагра араион аҿы ахатәы нхамҩақәа аӡы рыҵалеит. Макьаназы ари арыцҳара амҽхак еилкаам.